Тој содржи шест ексклузивни станбени згради, со висина приземје + осум катови + потпокрив, секоја изградена на парцела од околу 4.000 м2. На продажба беа понудени речиси 1.000 станови, со површина од 45 м2 до над 100 м2, квадратура што ја имаа ексклузивните галериски апартмани на потпокривот. Секоја од зградите има три влеза, а паркирањето беше решено со две подземни нивоа. Комплексот понуди високо ниво на квалитетно и удобно домување, од социјален и од естетски аспект.
Grand Prestige беше награден и прогласен за Проект на годината на првата Конференција за недвижности и инвестиции во Република Македонија – RealEX 2011, Скопје.
